One Love Manchester

One Love Manchester voru góðgerðartónleikar haldnir þann 4. júní 2017 af bandarísku söngkonunni Ariana Grande. Þeir voru haldnir til styrktar fórnarlamba sem urðu fyrir áhrifum hryðjuverkaárásarinnar í Manchester eftir tónleika Grande tveimur vikum áður.^[1] Um 55.000 manns sóttu tónleikana sem fóru fram á Old Trafford Cricket Ground í Manchester. Margir þekktir listamenn komu fram, þar með talið Justin Bieber, the Black Eyed Peas, Coldplay, Miley Cyrus, Mac Miller, Marcus Mumford, Niall Horan, Little Mix, Katy Perry, Take That, Imogen Heap, Pharrell Williams, Robbie Williams og Liam Gallagher.

Ágóði tónleikanna fór til We Love Manchester neyðarsjóðsins og til breska Rauða krossins til hjálpar þeirra særðu. Tónleikarnir voru sýndir í um 50 löndum í beinni útsendingu.

1. ↑ „Kærleikskveðja frá Manchester á sunnudagskvöld“. RÚV. 2. júní 2017. Afrit af uppruna á 5. júní 2017. Sótt 2. júní 2017.